Alter ego?

Med nok å gjera både som PPU student ved Kunsthøgskulen i Bergen og lærar på Fusa Vidaregåande vert det mindre tid til eigne prosjekt. I år underviser eg i eit fag som heiter "Trykk og foto", og no om dagen arbeider klassen med å laga surrealistiske sjølvportrett i Adobe Photoshop. Visste ikkje at eg hadde det i meg, men eg vart altså ein brennmanet...Heldigvis ein glad ein;-)

Back to school!

Denne kroken med ein gamle telefonboks fekk nytt liv i form av ein pratesjuk apekatt og fargerike prikkar då elevane mine arbeida med utsmykking av resepsjonen forrige skuleår.

Regnet ausar ned i velkjend vestlandsstil og det er ingen tvil om at det er slutt på ferien. Etter mange deilige og frie dagar i sommar er det no tilbake til jobb, og definitivt tilbake til skulen, faktisk i dobbel forstand. Eg skal forsetje å undervise i formgjevingsfag på Fusa Vidaregåande, samstundes som eg også tar praktisk-pedagogisk utdanning ved Kunsthøgskulen i Bergen. Studiet på KHIB startar med ein tre dagars "samanristings-tur" til designsenteret Transplant. Alltid både spennande og litt skummelt å byrje på noko nytt. Det blir utfordrande å kombinere studiet med undervisningsjobben, men eg håpar og trur at eg med hjelp av med kjekke elevar og gode kollegaer skal få det til.

Naustet

Lost weekend på Askøy

Maria Mena

Det er ein slags tradisjon at så snart sommaren nærmar seg fløymer både aviser, glansa magasin og god gammal radio over av festival-snakk. Kva festivalar du bør reise på, kva du skal ha med deg, kva du bør ha på deg osv. i det uendelege. Og det er vel unekteleg ganske aktuelt, ettersom både vesle Noreg og ein del andre andre land ser ut til å vere fullstappa med festivalar i alle tenkjelege størrelsar og fasongar. Det evige festivalmaset har imidlertidig ikkje interessert meg noko særleg, for sjølv om eg er over gjennomsnittelig glad i musikk har eg på grunn av kunstnar økonomi og ofte intense sommarjobbar i løpet av mine 31 år aldri sett mine bein i ein festival. Det vil sei, inntil no nyleg. Lost Weekend på Askøy var ein akkurat passe liten og fin festival for meg, innanfor rekkevidde både geografisk og økonomisk. Som nybakt, men fullvaksen festivaldeltakar juksa eg litt og valde ein meir komfortabel overnatting enn det omtalte camplivet på festivalområdet ved å i staden innlosjera meg i ein seglbåt i Kollevågen. Deretter var det berre å ha kald drikke og kamera innan rekkevidde og nyte live konsertar i tre dagar til endes. Ei finfin oppleving på tampen av sommaren. Her finn du eit lite utval av bilda eg knipsa undervegs:-)

Lord of the rings

På veg ein stad